NİYETİNE İRİŞMEZLER! (с)

Mıkolayiv, raketalı atışlarına oğrağan. Evelki malümatlarına köre, C-300 soylarından. Oquv yurtı, infrastruktura obyektleri ve evler zarar körgenler. Ayrıca, doquz ve beş qatlı evleri yanında uruvı olğan edi. Eki insan elâk olğan, üç soyu yaralanğan.

Raketalar gece saat 1:10 uçıp keleler. Yataqta yatıp patlavlarnı sayam. Yuqum kelgende nesi qayda uçıp kelgenini soñuna qadar añlamaysıñ. Daima, o, avağa qarşı mudafaası çalışsa dep ümüt etesin. Ümütleriñ kerçek olmay. Mikolayevge eñ azdan 7 raketası kelgen. Olar mektepni, evlerni ve sabıq zavodını yoq ettiler.

VIRAN ETILGEN 9 QATLI EVINDEN INSANLAR 

Duvarnıñ bir qaç metrli kesegi evinden qopuşıp yerge tüşe. Daa bir qaç saniye evel evinden balaban taşlı çul kibi asıla edi. Bu evinden er vaqıt bir şey topraqqa uçıp kete. Birinci qattaki balkonı astında olğan balaban çuqurında eñ çoq çöplük bar. Mında çuqur ve raketa aynı mında tüşti. 

Kimerde çerçivesiz pencerege Tetâna baqıp tura. Tarif etkeni kibi, raketa, olarnıñ evi yanında tüşip onıñ aqayını tesadüfen öldürmegen. Daireniñ parçası, yoq olıp ketti. Ve bu alda ne yapmaq kerek qadınnıñ haberi de yoq. 

- Ne yerge muracaat etmek kerek, tevsiye etersiñizmi? - soray o, evelden pencere olğan duvardaki teşikten.

- Belki, memuriyetke kerek, - tevsiye eteler qoralağan şeritniñ artında turıp topraqqa nesnelerniñ tüşüvini izlegen insanlar. 

Viranlarnıñ arasında özüni efendi sayıp qara pardoş yüre. Mında bulunğanlarnıñ çoqusı kibi, ayvan, bir şey olmağan dayın areket ete.

Ekinci qatnıñ balkon penceresinden qadın baqıp tura. Daa tünevin onıñ balkonı dep sayılğannıñ keseklerni ata. Onıñ dairesi de, elbet de, zarar körgen, penceresi endi yoq. Amma balkondan qol sallay: 

- Pek qasevet etmeysiz, körgenim kibi? - şaşıp sorayım men.

- Niyetine irişip olamazlar, - dey boldurğan qadın, balkondan cam kesegini ata ve küle. 

VİRAN ETİLGEN ZAVOD

Bina kesekler yolğa atılğan. Amma maşnalar yüre, çünki kommunal hadimlerniñ çoq sayısı, sipire ve er şeyni cıyştıra. Öyle tırışalar ki, yelnen beraber öyle büyük ve yüksek toznı kötereler ki, ne yolı, ne maşnası körüne.  

- Tez vaqıtta temiz olacaq! Er şeyni cıyştıracaqmız, - inandıra bizni temizleyici Stefaniya ve sipirkisinen çalışmağa toqtamay.

Mıkolayevniñ raketalı atışı, temizlevnen ozğarıla. Er şey viran etilgen, amma temiz olacaq. Bir zamanlar mında zavod bar edi. Küçük biznesine alıp berilgen adiy bir bina. Küçük ofis odaları.

İlk olaraq işke urba tiküvi boyunca ustahaneniñ hadimleri keleler.

- Bu ayvanlar toqtap olamaylar, ağlamağa isteyim, yançıq köçtik, evlerimizni qurdıq. Amma biz dayanamız, ne yapayıq, - tarif ete “Ukraina” yazısınen mavı-sarı kölmeginde erkek.

Onıñ adı Vladimir ve idaresinden mında bir özü. Tseh mında bir afta evel köçken. Tikiciler turıp iş kününiñ başlanuvını bekleyler. Kimse bir yerge ketmey ve sebebini pek yahşı añlayım. Mında cebe yanında olğan şeerinde rusiye raketalarnıñ yerine işini coymağa istiqbali daa qorqunçlıdır.

Gecede mında qaravul qadını çalışqan edi. Körgenleri tarif eteler, şaşıp qaldım, patlav dalğası oña da tesir eter edi. İşdeşi dey ki, o, endi evge ketken:

- Onıñ sırası soñuna yetken. Saba saat 8 qadar çalışıp ketken, - añlata qadın.

Mıkolayevdeki iş künü raketalarnıñ urğan vaqıtta degil, cedveline köre bitmek kerek olğan vaqıtta bitr. Kiriş yanında bir qız ağlay.

- Studiyamız mında olğan edi…

Etrafta studiuyalarnıñ sayısı çoq, oyun tögerekler, habi, bala urbalarnıñ kirası. Birden bir qaç qatı viran etilgen. Amma bina içinde insanlar çapqalay. Şeylerini qurtaralar. Duvarlar yıqılğan, amma yazılar qalğan.

Yıqılğan duvarı yanında “topraqlanğan” yazısı bar.

Liftnıñ parlanğan qapıları yanında eski, amma alâ daa aktıal olğan ihtarı “lift, tehnikiy hatalar sebebinden çalışmay”. 

Ofislerdeki biriniñ hadimi Sergey, er vaqıt telefon zillerine cevap berip külip “Sağım, yaşayım, körüşip qave içerik” dey. 

Bizge pek duyğulı sürette er şeyni tarif ete. 

- Küçük qızım, “Putin - cenkniñ direktorı” dep ayta. Mından ketip olayımmı? Er atışı içün intiqam almağa isteyim. Unutacaq olğan şeyimiz yoq. Er şey içün intiqam alıp kimseni unutmamız. Qaraman-şeeri, olarğa keçmege bermez. Ğalebe qazanğanımıznı köreler, açuvından grajdan obyektlerni bombalaylar. Er şey Ukraina olacaq. Ukrainağa şan-şeref.

Lafı soñuna yete, men ise - onı quçaqlayım. Viran etilgen binadaki tanış olmağan erkek, onı sarılmağa istegini peyda ettirgenini añlatmağa zor. Amma o da küle. 

RESMİY MALÜMAT

Vitaliy Kim, MIKOLAYİV ARBİY MEMURİYETİNİÑ BAŞI: “Mıkolayiv, raketalı atışlarına oğrağan. Evelki malümatlarına köre, C-300 soylarından. Oquv yurtı, infrastruktura obyektleri ve evler zarar körgenler. Ayrıca, doquz ve beş qatlı evleri yanında uruvı olğan edi. Daa iş hanelerniñ territoriyasına uruvı sebebinden bina ve maşnası yanğan. Evelki malümatlarına köre, eki insan elâk olğan, üç soyu yaralanğan ve üç vatandaşına yardım ambulator şeklinde berilgen”.