Türkiye limanı, rusiye işğalcılarğa ukrain urluğını satmağa yardım etken

Pawell yükleyicisi, ilk küz ayında işğal etilgen Berdânskta ukrain urluğınıñ 2500 tonnasını yükledi

Suriye bayrağı astında olğan gemisi, türkiye qaradeñiz Samsun limanına yol açqan. Lâkin liman, yükni qabul etmege red etken. Taşıyıcısı ile alıp berilgen vesiqalarında Ukrainağa has olmağan rus tilinde “Zaporojye vilâyeti” tarifli müürleri bar edi. O vaqıt Pawell, qomşu Sinop şeerine ketip reydde aftadan ziyade turğan. Tahminen ilk küz aynıñ 21 gemi, bulunğan yerini bildirgen AIS transporderni söndürip Samsunnı terk etti. 

UA SOUTH’nıñ jurnalistleri, soñki sefer yükleyicisi ile alıp berilgen koordinatlarına köre ilk küz aynıñ 21-22 Sinop yanındaki suvlarında Pawell’ni tapmadılar. 

UA SOUTH menbası, haber etti ki: hırsızlanğan ukrain urluğını Pawell, ilk küz aynıñ 24-25 Gürcistannen sıñırında bulunğan Hop küçük şeeriniñ limanında çıqarğan.

Hop limanına telefon etip böyle malümatnı aldıq: Pawell gemisi, limanını terk etti. Oña söndürilgen AIS içün cöreme ödettiler, amma “çalışmağan” transponder ile Hopnı terk etmege fırsat berdiler. Pawell, Samsuna ketken ve şimdi tsementni yükley. 

Hırsızlanğan ukrain urlığını türkiye kompaniyalarnıñ episi, satın almaqtan vazgeçti. Bizim malümatımızğa köre, türkiye biznesi, ambassador Vasıl Bodnardan açıq signalını alğan: ücüm etilgen ukrain aktivlerniñ rusiyelilerden alış-veriş shemalarında iştirak etken kompaniyalarnıñ episi, esasçılar ve menecmentnen beraber Ukrainanıñ qara cedveline oğraylar. 

Urluqnı, Mağrip vatandaşları ile teşkil etilgen Geos türkiye kompaniyası satın alğan. Bu aracılarnıñ artında kim bulunğanını ve ukrain mallarnı kim hırsızlanğanını şimdi tayin etmediler.