Appaz Kurtamet ruslarnıñ esirinde

Appaz, Qırımdaki filtratsıon lagerinde buluna

Qararnen eki ay devamında Qırımğa kirgende ğayıp olğan Novoalekseyevka qasabasınıñ sakini Appaz Kurtametovnıñ taqdiri aqqında tuvğanlarnıñ haberi yoq. 

Arman aynıñ 19 Appaz 20 yaşına kirgen. Anasınıñ hayırlavlarına, onıñ evelki sms beyanatlarına kibi, oğlan cevap bermegen, amma beyanatı oqulğan edi. O, apishane hadimleri Appaznıñ telefonını nezaret etkenlerini köstere, - ayta UA SOUTH’nıñ sübetdeşi, qırımtatar esirlerniñ işlerinen oğraşqan uquqçı. Onıñ menbalarına köre, Appaz, Qırımdaki filtratsıon lagerinde buluna. 

Aynı zamanda Kurtamet ailesine oğlannıñ aramasınen yardım etmege qarar bergen advokat, Appaznıñ bulunğan yeri aqqında FTH’ne talabını yollağan. 

UA SOUTH muhbirinen Appaznıñ talebelerinden biri Oles Slüsareviç müzakere etken. Şimdi Oles USQ’de hızmet ete, Ukrainağa Rusiyeniñ keniş bir sürette yapılğan zapt etüvi ögüne Kurtametnen alıp barılğan qırımtatar tili derslerine qatnay edi. 

“Qırımtatar tiline merağım, uquqçı olıp Qırımnıñ deokupatsıyası mevzusı boyunca çalışqanıma bağlı. Esas meselesi mında qırımtatar tili olğanını añladım. Qırımtatarlarnıñ meraqlarını ve aqlarını esapqa almayıp, olarsız Qırımda yahşı bir şey olmaz. Buna köre, bu meseleni tedqiq etmege qarar berdim. Halqnıñ tilini bilmegence, onı añlamazsıñ”, - dey Oles. 

Talebe, Appaznı, diñleyicilerini meraqlandırıp olğan avesli ocası kibi hatırlay. 

“A2 seviyesine iriştim ve endi qırımtatar haberlerni diñlep olam. 60 faizni añlayım. O, Appaznıñ yararlığı”, - dey arbiy. Ve Appaz, eñ yaqın vaqıtta azat etilip talebelerniñ sayısını arttıracağına ümüt ete.