Anton Kabernik qayda?

Kiraz aynıñ 28 39 yaşında olğan Geniçesk sakini işğal komendaturasına sorğuğa ketip qaytmağan.

Üçünci ay devamında tuvğanlar Anton Kabernikni qıdıralar. Kiraz aynıñ 28 39 yaşında olğan Geniçesk sakini işğal komendaturasına sorğuğa ketip qaytmağan. 

Anton, tüzetmelerni yapıp qurucılıqta çalışa edi. Onıñ evine rusiye arbiyleri ve FTH hadimleri kirgende işte edi. Bir şeyni añlatmayıp evni teşkerip baqtılar, Antonnıñ hamile olğan ömür arqadaşı Olganıñ telefonını teşkerip onı aqayına telefon etirttip oña sorğuğa kelmege emir etirttiler. İleride ne olğanını ve Anton Kabernikni nede qabaaytlaylar tuvğanlarnıñ haberi yoq: işğal memuriyeti, insannıñ ğayıp oluvı aqqında arizasını qabul etmegen bile. 

Olganıñ versiyasına köre, erkekni ATM’nıñ sabıq iştirakçısınen tanışuvı sebebinden hırsızladılar. Tanışlardan Antonnı Hersonğa alıp ketirip taqiqat tevqifhanesinde tutqanlarını bilgen. Apishanede bunı resmiy tarzda tasdıq etmeyler, amma Anton içün alıp ketirilgen şeylerni alalar. Azar etilgen kameradaşından şusı belli oldı ki, Antonnıñ kamerasında yedi qomşusı, beş yatağı ve üç minderi bar. Qıdıruvlar devamında Antonnıñ ömür arqadaşı, balasını ğayıp etken.