LÜDMILA NIKITENKO QAYDA?

Ekinci afta devamında aqayı ve qızı, esir etilgen fermacını tapmağa tırışalar.

İlk küz aynıñ 5 saat altıda Melitoplniñ yanında Oleksandrovka köyündeki Nikitenkolar fermacılatınıñ evi şamatadan qaltıramağa başladı. Lüdmila ve Leonidniñ evine yedi rusiye işğalcısı kirgen. Çift ve 74 yaşında olğan Leonidniñ anasını farqlı odalarğa ayırıldılar. İnternetten alınğan kâğıtno köstere ediler ve niayet 47 yaşında olğan Lüdmilanı evden aldılar. 

Ekinci afta devamında aqayı ve qızı, esir etilgen fermacını tapmağa tırışalar.

Lüdmila, ukrain tarafdarı olğanını gizlemedi. Facebook saifesinde başqa qullanıcılarnıñ yazılarını paylaşıp rusiye tecavuzını tenqit etken tefsirlerni yaza edi. 

Mustaqil kününe yağ, penirni yapıp ukrain orduda hızmet etkenleriniñ ailelerine alıp ketirgen. 

UA SOUTH’nıñ malümatına köre, işğalcılarnı Nikitenkolarnıñ 28 yaşında olğan Hristina qızınıñ bulunğan yeri meraqlandıra edi.  Qız, Kiyevde çoqtan yaşay. Fotograf olıp çalışa. Keñ miqyaslı tecavuzınıñ başlanuvından soñ ülkeniñ cenübinde işğalcılarnıñ cinayetlerniñ tafsilâtlarınen paylaşa edi. 

Aileniñ fikrine köre, Lüdmilanı Melitoplde tutalar. Şeerniñ komendaturası degeniniñ satqınlarından biri, Leonid Nikitenkoğa şunı bildirdi ki: “Onı azat etmege daa erte. Yahşı etip teşkirmek kerek”.

Lüdmila Mikitenkonıñ aqayınıñ sözlerine köre, onı işğal etilgen Melitopol rayonında rusiye mevzimleriniñ teslim etüvinde qabaatlaylar.