Qırımda Novofedorivka qasabasınıñ yanında işğalcılarnıñ uçaq alanında patlav olğan

Qırımdaki Nobofedorivka qasabasınıñ yanında “Saq” uçaq alanındaki anbarları patlağan. Ukrain Silâlı Quvetleri Qırımda olıp keçken patlav aqiqatını tasdıq eteler, amma oña ola bilgen alâqasını tefsir etmeyler. Amerikalı “New-York times” neşriyatı işğalcılarğa qarşı mahsus harekât etilgenini Ukraina Silâlı Quvetlerindeki yüksek seviyedeki menbasınıñ sözlerini atıf ete.

Qırımda Saq rayonındaki Novofedorivka qasabasında Rus işğalcılarnıñ arbiy uçaq limanında mühimmat anbarları patlağan. Ukrain Silâlı Quvetleri, Qırımda patlav kerçeklerini tasdıq eteler, amma olarğa ola bilgen alâqasını tefsir etmeyler. Ukraina ordusı tayin etilmegen yerlerde sıcaqta tütün içmege yasaq olğanını hatırlap meseleni uzatmay.

Rusiye cenk naziri Sergey Şoygunıñ idaresi işğalcılarnıñ fitneci RİA Novosti haber vastası ile mühimmarnıñ “tıştan tesir olmağan” bir sebepten tutaşıp yanuvı aqqında bildire. Patlavnıñ esas sebebi olaraq işğalcılar yanğın telükesizlik qaidelerniñ bozuluvını adlaylar.

Kezlevdeki UA SOUTH’nıñ menbaları, Qırım yarımadasınıñ yalısı yönelişinde Ukrainanıñ qıtaiy qısımından areket etken eñ azdan eki obyektini kökte kördiler.

Amerikalı “New York Times” neşriyatı, Ukraina Silâlı Quvetlerindeki yüksek sebiyede çalışqan menbasını atıf eterek yerli işlep çıqarılğan silânıñ qullanuvı ile patlavğa ukrain askerlerniñ issi olğanını beyan ete.

Qırımda işğalcılarnıñ qoqlası Sergey Aksönov, bir insannıñ elâk oluvı aqqında bildirip “terroristik havfınıñ sarı seviyesini” ilân etti.

TRT Türkiye devlet telekompaniyası, yedi patlavı aqqında haber ete, içtimaiy ağlarda ise - Qırımdaki yerli sakinler eñ azdan on patlavnı eşitkenler.