Eminim ki, sözde cumhuriyetlerniñ Rusiye terkibine kirsetilmesi hususunda referendumlerniñ keçirilmesi havfı etrafnı sardı. Bunı amelge keçirmek içün teşkiliy azırlıqlar endi yapıla, ayrıcı Lugansk vilâyetini qayd etmelimiz.
Donbasnıñ işğal etilgen topraqlarında Kreml vaqıtnı sarf etmeyim, şu topraqlarnı Rusiyege kirsetecek ola. Vaqtınca işğal etilgen topraqlarda yüz bergen vaziyet aqqında ve Donbasnıñ qısqa ve orta müddet istiqbaline bir nazar.
Sahte cumhuriyetlerniñ territoriyasından ukrain parası grivna aktiv şekilde itilip çıqarılmaqta. Grivnanıñ para qıymetini eksilterek, onı rus rublesinen aman-aman birge bir ettiler.
Ondan da ğayrı, adliye, tasil ve diger saalarnıñ rus qanunlar sistemasına keçirilmesi mevzuatında aktiv işler alıp barıla. Cinayet mahkeme qanunlarını da alel-acele Rusiye normalarına köre deñiştireler.
Rusiye terkibine yarı cumhuriyetlerniñ maaliye-sanayı saalarınıñ tedbiq ceryanı da devam etilmekte. Sözde akimiyet, idare bağlarınıñ başlıqları, maaliye-siyasiy seçkinleri arasına tez süratta Rusiye vekilleri soqula. Ayrıca, daa evel olmağan maaliye ceryanlarnıñ merkezleştirilmesini de köz ete bilemiz.
Bınıñnen bir sırada, yarı cushuriyetlerni Rusiyeniñ arbiy bazalarına çevirilmesi ap-açıq köre bilemiz. Zapt etilgen Lunagsk ve Donetsk vilâyetlerinde rus ordularnı qoşa bereler, arbiylerniñ sayısı ep arta, yaqı hastahane, arbiy bazalarnıñ qurucılığı da devam ete.
Ükümetimiz bu esnaslarğa qarşı ne yapa bilir?
Buña ancaq duşmannıñ arqa bazalarına tenbi raket ucümlar vastasınen tesir etmek mümkün. Böylece, duşmınnıñ arbiy infrastrukturasını keñişletmek istekderini imkânsız alına ketire bilirmiz. Ondan da ğayrı, işğal etilgen topraqlarda yaşağan vatandaşlarmıznı nefaqanen temindevni toqtatmalımız.
Zanımca, Ukraina işğal altında qalğan nefaqacılarına aylıqlarını bermekten derhal vazgeçmeli. Ukraina vatandaşı olmağanlarğa nefaqanı bermekten bir manası yoq. Çünki bu paralar ileride qanunsız silâhlı birleşmelerniñ maddiy destegi olacaqtır. Ukrana bücetinden yarıı cumhuriyetlerniñ küç toplamaına para ayırmaq olmaz.
Halqlarnıñ apishanesi: Rusiyede kim yahşı yaşay?
Üçüncü Dünya Savaşı Çoqtan Başladımı?
