Rus işğalcilerini Yılan adasından quvmaq, Qara deñiz yalısını qapatmaq, limanlarnıñ blok etmekten qurtarmaq ve ğıda buhranını çezmek – bunıñ episini mayıs 23-nde Pentagonnıñ naziri Östin Lloyd Daniya Ukrainanı Harpoon fişenkler içün yalı fırlatma aracısınınen temin etececegini ilân etken soñ, eda etmek mümkün oldı. Gemilerge qarşı Harpoon fişenklerni alğanınen, Ukrain Arbiy küvvetleti Rusiyelilerniñ Qara deñiz yalısında iniş areketleriniñ ihtimalını künlük meselelerden çıqara bileler.
ABD Ukrainağa eki Harpoon fişenk fırlatıcını bermege vade etken edi.
Bu yerde daa tafsilâtlı añlatmaq ister edim. Zarar diapozonını tahmin etmek oğrunda adaşqan mütehasıslarnıñ sayısı çoq edi. Asılında, Harpoon uçaq, gemi, yalı komplekslerden ve sualtılardan qullana bile. Aynı bu sebepten fişenklerde farqlı fihristler (indeksler) mevcut: AGM-84 – avada uçurtmaq içün, RGM-84 - deñiz yada yerden qullanması içün ve UGM-84 – sualtılar içün.
Fişenkniñ zemaneviy numunesi – Block II. 2011 seneden başlap seri ihtisal etilmekte. Bu tür fişenkler duşmanlarnıñ radioelektronik bastirmasına qarşı dayana, ondan da ğayrı, uydu seyir sistemasını blok etüvi işletile.
Fişenkni saldırmağa azırlığı eki basamaqtan ibaret. Başta raketa evelden belgilengen yönelişke taba pek alçaq yükseklikte nişanğa doğru qoyula. Esaplanğan vaqıtta, fırlatma yönelişinden 45 derece civarında faal nişan qıdırma başlığını işletip başlay.
Ukrainanıñ sualtı limanınıñ aman-aman yoq olğanını köz ögüne alaraq, avacılıq de bazı meseleler olğanına köre, bizlerni qısqartılğan HCDS adınen daa çoq belli olğan yalı fişenk komplekslernen temin etmek qarar alındı.
Mezkür kompleks Daniya ükümetiniñ hızmetinde edi. Batareya mağazı, idare maşnası, eki başlanğıç motorı, eki elektrik generatorı bir de yüklendirme ve taşıycı maşnalar.
Al azırda mezkür komplekslernen temin etildik. Military Balance kompleksinin 124 km uzaqlıqqa fırlatma imkânı bar. Bu Qara deñiz yalısını qorçalamaq imkânından ğayrı Yılan adasınıñ meselesini çezmege yol aça.
Al azırda, aynı Yılan adasında ruslarnıñ yerleşmesi Odessa civarındaki Qara deñiz limanlarınıñ eñ müim problemi ola ve işğalcilerge Romaniyanıñ qara suvlarına çıqışnı ve bınıñnen bir sırada Tunanıñ ağızını qapatmaq imkân bere.
Ğıda buhranı meselesini de böylece çezmek mümkün olur. Yılan adasına qadar olğan mesafe Harpoon kompleksini qullanılması içün kelişe. Aynı bu sebepten Rusiye Qara deñiz flotu Yılan adasından cenüpke doğru uzaqlaşmaq kerekligini añladı.
Ukraina Mudaafa quvveleri Yılan adasına silâh, mühimmat, mahsus hadimlerni ta TOR zenit-raket kompleksini naqil olğanı zaman "Vasiliy Beh" rus buksirini zararladılar. KMV-nıñ malümatına binaen, buksir Harpoon gemilerge qarşı raketadan zararlandı.
Yerli malümat ceryanlarından belli olğanı kibi, Kirazay 20 künü vaqtınca işğal etilgen ve ruslar tarafından Qara deñizniñ qısımını nezaret etmek maqsadınen arbiy tehnikanen yüklengen Yılan adasına taba yıqıcı darbeler uruldı.
